Jentilbaratza K.E.ak antolatuta eta San Martin Jaien barnean, Ataungo XII. Mondeju Lehiaketa egin zen igandean. Ataungo Mondeju onenaren saria edizio honetan, Mikel Morearentzat izan da. Honekin batera sarituak Xabi Antza, bigarren postuan eta hirugarren postua Haritz Goñi izan dira. Aurten 7 lagunek parte hartu dute. Epaile lanetan jardun zuten sukaldari adituek Mikel Zeberioa (gastronomoa) Maite Garmendia (Maitte jatetxea); Santos Aldasoro (Arrano jatetxea), Inazio Garmendia eta Pili Barandiaran (herritarrak) izan ziren. Sekula baniño maila handiagoa iruditu zaie aurten aurkeztutako mondejuen maila eta kalitatea. Goraipatu zuten «jaki preziatu» hau mantentzeko ataundarrak egiten ari diren ahalegina eta animatu zuten gaztedia eta kaletar jendea ere tradiziozko langintza hau ikastera eta gordetzera. Baita ere, Mikel Zeberio ataundar gastronomo ospetsua izendatu da Mondeju Beltzaren Lagun, errekonozituz urte askotan janari honen suspertze eta indartzean burutu duen lana. Lehiaketarekin batera herritarrek mondeju pintxoak dastatzeko aukera izan zuten urtero bezala. ARGAZKI GUZTIAK

Laister izango dugu aukera, pagadiz, goroldioz eta orbelez betetako ingurune magikoan murgiltzeko eta bertan bizi diren gizaki eta izakien artean ibiltzeko. Aralarko Ibilaldi Magikoa, ABENDUAREN 23an izango da eta sarrerak webgune honetan jarriko ditugu AZAROAREN 22an. Aralarko ibilaldi magikoa   200 ikusleko 2 txanda izango dira. (3. txanda Ataungo eskolako haurrentzako izango da) Sarrerak webgunean hartuko dira, baino egunean bertan Lizarrustiko parketxean ordainduko dira erreserba agiria erakutsiz. Gehienez 6 sarrera hartzea egongo da aldiko. 3 urtetik gorako haurrentzako eta familientzako ekintza bat da. Ingurune natural batean egongo gara, eta ikuslearen erantzukizuna izango da gu igaro aurretik bezala geratzea. Mendirako jantzimendu eta oinetako egokiak eramatea ezinbestekoa da. Ausartzen al zarete ametsak egia bihurtzen diren mundu misteriotsu eta magiko batean murgiltzen? Euskal mitologia eta bere pertsonaiak ezagutzeko aukera paregabea. Direnik ez da sinetsi behar; ez direnik ez da esan behar.            

JENTILEN BARATZA IPUIN LEHIAKETA-2023 * LH1-2-3-4:
OINARRIAK * LH4 maila eta beheragoko geletako ikasleek parte hartu ahal izango dute. * Ipuinak euskaraz idatzita egon beharko dute. * Jatorrizkoak eta argitaratu gabeak izan beharko dira. * Bakoitzak idazlan bat entregatu ahal izango du. * Ipuinak Arial 12 eta espazio bikoitzean idatzi behar dira. Gehienez 3 orrialde. * GAIA: Euskal mitologiaren inguruko ipuinak izan beharko dira. Pertsonai hauetako bat gutxienez agertu beharko da ipuinean: Torto, Etsai, Marimunduko sorgina, lamiak edo Samartintxiki. * AURKEZPENA * Epemuga: Abenduaren 15a izango da ipuinak jasotzeko azkeneko eguna. * Hona bidali: jentilbaratza.ipuinak@gmail.com * Oharra: Helbide honetara bi dokumentu bidali beharko dira e-mail batean: * Dokumentu 1: Ipuina, izenburuarekin eta amaieran goitizen batekin. * Dokumentu 2: Ipuinaren izenburua, goitizena, izen - abizenak, maila, adina eta e-mail helbidea idatzita. * Bi dokumentuak .doc, .docx edo .pdf formatuetan bidali beharko dira. Artxiboek ipuinaren izenburua eduki beharko dute. * EPAIMAHAIA
Epaimahaia kultur elkarteak [...]

Hemen da 2024ko egutegia, Mitoak Bizirik, Euskal Mitologiaren egutegia. Aurten online erosteko aukera izango duzu eta etxera bidaliko dizugu. Prezioa 8 €(5 €+ 3 € bidalketa-gastuak). Urtero bezala, gure pertsonaia mitologikoen argazkiez gain, lagun duten kondaira bat  etxeko txikienei kontatu ahal izateko. Ez galdu aukera. Eskaera egiteko, sakatu hemen.  

AZAROAK 12 Igandea, 12:30etan ARAUAK: Parte hartzaileak: Ataungo edozein herritarrek parte har dezake. Izen ematea: Azaroaren 07rako eman behar da. 649011292 (J.R. Munduate) edo 686892507 (D. Etxeberria) Parte hartzaileei, 40 € emango zaie ardi osagaiak lortzeko. Aurkezpena: - Mondejuak, egosita beren saldarekin ekarri behar dira, azaroaren 12an goizeko 11:00tarako Plaza Berriko karpara. - Korda bat 5 mondejukin ekarri beharko dira. Lehiaketa: Epaimahaia 12:30etan hasiko da puntuatzen. Puntuazio irizpideak: Usaina, zaporea, ebaketa eta nahasketako osagaien txikitze-tamaina hartuko dira kontuan. Sariak: 1. - 150 € eta oroigarria 2. - 120 € 3. - 100 € MONDEJU PINTXOAK DASTATZEKO AUKERA IZANGO DA! — 22 octubre JENTILEN ETORRERA 2023 AMAITU DA. Inoiz baino egiazko eta inoiz baino mitoago: ATAUN eta JENTILAK bat eginda. Urte bat gehiagoz, jentilen mundu miresgarri eta misteriotsuan murgildu ginen atzo Ataunen. JENTILEN ETORRERA oso arrakastatsua bizi izan genuen. 1500 lagun inguru, aho zabalik, batzuetan barretxoa ezpainetan zutela baina gehienetan beldurrez [...]

Abenduaren 23an, euskal mitologia, Aralar barrenean bizitzeko aukera izan genuen. Olentzero ere ikusteko aukera paregabea izan genuen. Hemen dituzue egun horretako argazkiak.