IX. Jentilen Baratza ipuin eta marrazki lehiaketaren berri ematera gatoz: Martxoareen 1ean, ostiralean, Ataungo udalean egin zen sari banaketa, umeen, gazteen eta familien presentziarekin. 2023-24ko uzta ere, ederra izan da, batzuk saria lortu dute eta bestes batzuk ez, baina irabazleak denak dira. Horrelaxe jarraitu dezatela opa diegu urte askotan. Elkarteak eskertu nahi die Ataungo udalari, epai mahaikideei, Ataungo Joxemiel Barandiaran Eskolari, Beasaingo Txindoki institutoa-Loinazpe ikastetxeari  eta San Benito ikastolari, bertako irakasleek eman diguten laguntzarik gabe, lehiaketa antolatzea ezinezkoa izango baitzen. Aipatzekoa da, baita ere, gure ume eta gazteek egindako lana. Mitologia ardatz hartuta, marrazki ederrak eta ipuin bikainak sortu dituzte. Makina bat urteetako tradizioak eta leiendek, XXI. Mendeko Ataunen eta Goierriko inguruko herrietan, bizirik jarraitzen dute. Aurtengo parte hartzeari buruzko datuak: Datuak (parte hartze kopurua) Marrazki lehiaketa. Abenduaren 11an eta 13an egin zen LH1-2: 15 LH3-4: 18 LH5-6: 12I puin lehiaketa: Abenduaren 15ean jaso ziren. LH1-2-3-4: 35L H5-6: 38D BH1-2: [...]

IX. Jentilen Baratza ipuin eta marrazki lehiaketen sari banaketa martxoaren 1.ean izango da udaletxeko ganbaran.

Erabakia hartzea ez da erreza izan baino biharko Aralarko ibilaldi magikoa-rekin aurrera egingo dugu, aurrez zehaztutako ordutegiak eta txandak mantenduz. Astean zehar egin duen eguraldia dela eta bidea lokaztua egongo da zati batzuetan. Horregatik, oso garrantzitsua da mendirako arropa eta ekipazio egokia (mendiko oinetakoak, xira), makila e.a. eramatea. Baita edateko ura ere. Halaber, Lizarrustira joan zaitezte nahikoa denborarekin, aparkatzeko zailtasunak aurkituko dituzue eta. Mila esker eta bihar arte!​​

Gaur goizean webgunearekin izan ditugun arazoak direla eta. Gutxi batzuek amaitu ahal izan dute sarrerak lortzeko prozesua, baina gehienek ezin izan dute amaitu. Sarrerak hartzen saiatu bazara, baina baieztapena duen mezurik iritsi ez bazaizu, ezin izan duzu prozesua amaitu. Beraz, geratzen diren sarrerak bihar, azaroak 23, jarriko ditugu webgunean 9:00etan.

Inoiz baino egiazko eta inoiz baino mitoago: ATAUN eta JENTILAK bat eginda. Urte bat gehiagoz, jentilen mundu miresgarri eta misteriotsuan murgildu ginen atzo Ataunen. JENTILEN ETORRERA oso arrakastatsua bizi izan genuen. 1500 lagun inguru, aho zabalik, batzuetan barretxoa ezpainetan zutela baina gehienetan beldurrez airean, hala ere gozatu ederra hartuz. Ikuskizun aberats eta oso zainduan, oraindik gurekin eta gure barruan, bizirik irauten duen mundua agertu zuten antzezleek, misterioz betetako mundu miresgarria. Izaki eta gizaki harrigarriz osatutako kale-antzerki ikuskizuna izan zen. Oraingoan ere, bi zibilizazio, jentilak eta kristauak, aurrez-aurre baina aurten, GAUEKO IZAKIAK izan dira protagonista. Izaki beldurgarriek, gogor eraso zieten kristauei eta berdin Jentilei ere, errua elkarri leporatuz. Azkenean, eskerrak MARI Jainkosak lortu zuen GAUEKO IZAKI beldurgarriak menperatzea. Beste behin, eszenaratze aberats eta eder baten laguntzaz, antzezle bikainak ikusi ditugu tranpaldo gainean, etorkizuna ziurtaturik dela erakutsiz. Ekarpen handia egin diote emanaldiari, EATE Abesbatzak eta OTSOA Dantza Taldeak. Beste behin lan bikaina [...]