Aralarko parke naturalean, Lizarrustitik abiatu eta Alleku azpitik egiten den ibilaldia da hau. Euskal mitologia, pertsonaika, kondairak… pagadi, orbel eta goroldioaren lurraldean. Ataunen, Gipuzkoan, baina Nafarroaren muga-mugan. Bidean zehar, urrats batzuk Nafarroan egiten dira … Natura maite dugunontzat, inguru ederra benetan. Basoak, larreak, leizeak, kobazuloak, hegaztiak, piztiak, abere basatiak…. [...]
Uztailaren 9-an izango da V. Gau ibilaldi Mitologikoa. Bertan Jentil, Kristau, Sorginen artean zure zai egongo gara. ANIMA ZAITEZ!!!
Garai bateko ipuin eta leienda harrigarrien munduan sartuko gara Ataunen bihotzean eta Joxemiel Barandiaran bizi izan zen inguruan. Euskal mitologiako pertsonaia ezagunak izango ditugu lagun bidean zehar. Horretarako, garai bateko herri-bidean, oinez egingo dugu Barandiaran Museotik abiatu eta San Martingo plazara, 3 kilometroko ibilaldi harrigarri eta sorpresaz betea. Pertsona helduek, [...]
Ataungo Mitologian barneratuz 1. Zaindegiko atsoa 2. Sanztegiko lamia 3. Tartalo 4. Muskiko basajauna eta Sanmartintxiki 5. Arratiñeako Jabier 6. Jentilek Artzate baserriko arrauka desegin zutenekoa Sorginen aztarnak jarraituz 7. Akelarrea Mandaibietan 8. Sakanako mandazaina Dantzalekun Jentilen kondairak 9. Zaindegiko Atsoa 10. Jentil harroaren arazoak 11. Urrezko izara eta Agerre [...]
Sugaar Mari euskal mitologiako jainkosaren senarra da. Suge itxura eta ekaitz eta trumoiekin harreman estua du. Besteak beste, gurasoei kasu egiten ez dieten seme-alabak zigortzen ditu.
Zezengorri kobazuloetan bizi den izakia da. Behi edo zezen gorriaren itxura hartzen du eta Mari euskal mitologiako jainkosaren bizilekuak zaintzen ditu. Mari bera dela uste duenik ere bada. Ohar bedi zezenak Europa hegoaldeko kultura guztian garrantzia handia izan duela.
Mari (edo Marimunduko Ataunen) euskal mitologiako jainkosa, izadiko erregina da. Gehienetan emakume gorputzarekin eta aurpegiarekin irudikatu da, dotore jantzita (usuenik gorriz). Zuhaitz, arrano, behi edo suzko emakume gisara ere agertzen da. Sugaar da bere bikotekidea. Hainbat menditako leizeetan bizi da (Larrunarri, Murumendi…)
Sorginek akelarre izeneko bilerak egiten dituzte gauez, euskal mitologian. Katu, asto edo pizti itxura hartzen dute sarritan, eta gorputzaren atal bat falta zaie behin baino gehiagotan (eskua, hanka edo burua). XV- XVII. mendeetan sorginen aurkako hainbat epaiketa egin ziren Euskal Herrian eta auzi horietan guztietan herri-sineskeriak, erlijioa, auzokideen arteko liskarrak [...]
Izenak berak erakusten digu nor den Basajaun: basoko jauna. Indartsua eta garaia da, eta ilea belaunetaraino iristen zaio. Artaldea zaindu ez ezik, oihu eginda adierazten dio artzainari ekaitza datorrela. Abereak otsoetatik babesten ditu eta gertu dagoenean ardiek zintzarriak mugitzen dituzte. Tartalo edo Torto eta Jentilekin euskal mitologiaren basoko erraldoia da.
Begi bakarreko izaki gaiztoa da Torto edo Tartalo. Haitzuloetan bizi da eta gazteak harrapatu eta jan egiten ditu. Greziako mitologiako ziklopeetan duke jatorria. Basajaun eta Jentilekin euskal mitologiaren basoko erraldoia da.
